Hörmətli tədqiqatçılar və iş dünyasının dəyərli nümayəndələri,

Sizi 7–8 may 2026-cı il tarixlərində keçiriləcək II Beynəlxalq Türk Dünyası İqtisad Konfransına dəvət etməkdən böyük məmnunluq duyuruq. Bu il konferansda Süni İntellekt və Rəqəmsal Transformasiya çərçivəsində “Ortaq Gələcək və Sosial-İqtisadi İnnovasiyalar” mövzusu müzakirə olunacaq. Bu məqsədlə süni intellektin iqtisadiyyat, idarəetmə, dövlət siyasəti və ictimai inkişaf üzərində təsirləri çoxşaxəli şəkildə müzakirə ediləcəkdir. Xüsusilə Türk Dünyası və yüksələn regional iqtisadiyyatlar kontekstində süni intellekt əsaslı yeniliklərin inkişaf, məhsuldarlıq və rəqabət qabiliyyətinə töhfələri ön plana çıxarılacaqdır. Tədbir akademik ictimaiyyət ilə iş dünyası arasında fikir mübadiləsi aparılması və aktual elmi nəticələrin paylaşılması üçün mühüm platforma təqdim edir.

Konfransda iqtisadiyyat, idarəetmə, maliyyə, beynəlxalq ticarət və logistika, mühasibat uçotu, dövlət idarəçiliyi, beynəlxalq münasibətlər, kommunikasiya və rabitə texnologiyaları sahələrində aparılan elmi tədqiqatlar müzakirəyə çıxarılacaqdır. İştirakçılar bu sahələr üzrə bilik və təcrübələrini bölüşmək, eləcə də elmi əməkdaşlıq imkanlarını genişləndirmək imkanı əldə edəcəklər. Konfransa qəbul olunan məruzələr həm onlayn, həm də üzbəüz formatda təqdim edilə biləcəkdir. Məruzə tezislərinin təqdim edilməsi üçün son tarix 31 mart 2026-cı il, qəbul olunmuş məruzələrin tam mətnlərinin göndərilməsi üçün isə son tarix 25 may 2026-cı il olaraq müəyyən edilmişdir

İştirakınızın Türk Dünyasında iqtisadi elmin inkişafına və akademik əməkdaşlıqların güclənməsinə əhəmiyyətli töhfə verəcəyinə inanır, dəyərli elmi işlərinizi konfransımızda görməkdən məmnun olacağımızı bildiririk.

Hörmətlə,
Konfransın Təşkilat Komitəsi